للعيادات الطبية الي تعتمد على الإعلانات الممولة وتحول العملاء الى واتس آب
تصميم صفحة هبوط للعيادات الطبية
ينظّم عملاء الإعلانات بدل فوضى الواتس آب
اذا كنت تعتمد على الاعلانات الممولة ، وغالبية العملاء يوصلونك على الواتس آب ويسألون ثم يختفون فغالبا أنت محتاج طريقة أوضح لتنظيم الطلبات قبل ما توصل لفريقك
عبّ النموذج عشان أحدد إذا الخدمة مناسبة لك
تخيل إعلانك يجيب لك عملاء واضحين مو بس استفسارات
بدل ما يوصلك عميل يسأل ويختفي ، يوصلك عميل فاهم الخدمة وجاهز يحجز
نماذج لصفحات هبوط صممتها كأفكار لعيادات تعتمد على الإعلانات
كل نموذج هنا يوضح طريقة مختلفة لبناء صفحة هبوط حسب هدف الإعلان ونوع العملاء الي تستهدفهم
صفحة هبوط مبنية لتهدئة قلق المريض قبل العلاج وتشجيعه ياخذ أول خطوة
صفحة هبوط مبنية لمساعدة الزائر على تخيل النتيجة ، وتحويل الفضول الى حجز فعلي
صفحة هبوط مبنية لمخاطبة ألم الظهر والمفاصل بوضوح ، ودفع الزائر لاتخاذ خطوة الحجز
صفحة هبوط مبنية لتقسيم الزوار حسب احتياجهم وتوجيه كل عميل حسب المسار المناسب له
كيف بنمشي مع بعض من أول خطوة الى اطلاق الصفحة
قبل ما ترسل طلبك ، هذا باختصار اسلوبي في التعامل من أول تواصل لين ما تستلم صفحتك جاهزة
نموذج التقييم المبدئي
أول خطوة : انك تعبي نموذج بسيط ياخذ اقل من دقيقتين يساعدني أتعرف على مشروعك ، وأشوف إذا أقدر أضيف لك قيمة حقيقية لمشروعك
المراجعة وحجز الموعد
بعد ما يوصلني النموذج ، أراجعه بنفسي وتتكون عندي فكرة أوضح عن مشروعك ، بعدها أرسل لك رابط حجز موعد اجتماع أون لاين أو حضوري ( إذا كنت قريب من موقعي ) نجلس ونتناقش سوا ونرتب كل الأمور الي نحتاج نحددها قبل نبدأ
اجتماع ونقاش المشروع
في الاجتماع نحلل مشروعك من الزاوية التسويقية ، نحدد الهدف الحقيقي من الصفحة ، والجمهور المستهدف ، ونتأكد إننا نختار الأسلوب الأفضل لتوصيل رسالتك وتحقيق النتائج الي تبغاها
الأتفاق وتأكيد الطلب
إذا تم الاتفاق في الاجتماع ، أرسل لك خلال 24 ساعة عقد يشمل كل التفاصيل : نوع الخدمة ، مدة التنفيذ ، والسعر النهائي وبرسل لك معاه رابط الدفع لدفع 50% من قيمة الخدمة قبل التنفيذ وبعد الدفع توصلك فاتورة رسمية ونبدأ التنفيذ
بدأ تنفيذ المشروع
بعد بدأ التنفيذ ، أتواصل معك بعد إنجاز 50% من المشروع نراجع العمل معاً وننفذ أي تعديلات تحتاجها في هذه المرحلة ، بعدها أكمل ال 50% المتبقية ونراجعها بعد التعديل النهائي ، وبهذا الاسلوب نضمن مراجعتين واضحتين تضمن جودة الشغل وترتيب التنفيذ
نطلق الصفحة رسمياً
بعد ما انتهي من تنفيذ المشروع بالكامل أرسل لك النسخة النهائية للتسليم أو نشرها مباشرة حسب الاتفاق ، بعدها يتم دفع المبلغ المتبقي ال 50% وتوصلك فاتورة رسمية لإتمام العملية وبعد الانطلاق راح أتابع معك لو احتجت أي مساعدة أو دعم فني حسب الاتفاق
ليش صفحتي تختلف عن غيرها ؟
01
نجاحك يهمّني
كل زر ، كل سطر ، كل صورة … أنفذها بعين شخص فعلاً مهتم ، وأسأل نفسي في كل تفصيله : لو كان الإعلان إعلاني وش أبغى يصير ؟ وش أبي الزائر يسوي؟ وش لازم أحط قدامه عشان يتفاعل؟
02
أصمّم حسب الهدف
أنا ما أبدأ شغلي إلا لما أفهم : وش تبغى من إعلانك ؟ بيع ؟ حجز ؟ تفاعل؟كل هدف له ترتيب مختلف داخل الصفحة ، وأنا أصمم على هذا الأساس عشان كل عنصر يخدم النتيجة المطلوبة
03
شغلي له ترتيب واضح
كل خطوة عندي لها ترتيب :
أبدأ من الهدف ، أرتّب الأقسام ، أبني الرسالة ، بعدين أختار الشكل الي يخدمها ، وأبداً ما أبدأ من الشكل .
هل يناسبك تطلب تصميم صفحة هبوط ؟
كثير ناس تظن إن صفحة الهبوط مناسبة في كل وقت ، بس الحقيقة إنها أداة تسويقية تحتاج توقيت صحيح وتجهيز مسبق . عشان كذا جهزت لك نموذج بسيط يوضح إذا الوقت مناسب لك تبدأ ، أو تحتاج تجهز خطوات قبلها