أشتغل مع أصحاب المشاريع الي يطلقون حملات إعلانية.. ويحتاجون صفحات هبوط ترفع نتائج الإعلان..ما أقدم تصاميم عشوائية . كل شي أنفذه يكون مدروس
لأن الهدف مو بس شكل جميل .. الهدف صفحة تحول الزائر الى عميل
أراعي تنسيق الألوان، الخط ، المسافات ، والراحة البصرية ، عشان كل عنثر يخدم هدفه بصرياً
أكتب المحتوى والنصوص بناءً على سلوك الزبون عشان الصفحة تخاطب العميل ، وتخليه يكمل قراءة
كل قسم في الصفحة له هدف واضح ( إقناع ، بناء ثقة ، توجيه ) وما أضيف شي بدون سبب
خلّني أوضح لك بمثال
ليش أشتغل على صفحات الهبوط بهذا الشكل
كثير من المشاريع تصرف على الإعلانات ، بس ما عندهم صفحه توصل للزبون الهدف وهنا يجي دوري
تخيل إنك صاحب عيادة وتبغى تطلق إعلان ممول لخدمة تنظيف البشرة.
كتبت الإعلان واستهدفت جمهورك ، وخليت الإعلان يرسلهم مباشرة للواتساب
وفجأة انهالت عليك الرسائل :
كم السعر ؟
وين موقعكم ؟
كم مدة الجلسة ؟
ما تقدر ترد على الكل ، والأغلب مو جادين أصلاً ، وهنا يجي دور صفحة الهبوط :
تشرح العرض باختصار
تجاوب على أهم الأسألة قبل لا يسألها الزبون
وتفلتر لك العميل الجاد من الفضولي
والنتيجة بدل ما توصل لك 100 رسالة فضول …
يوصلك 10 أشخاص جادين فاهمين العرض ، وجاهزين للحجز
لأني أصمم الصفحة بناء على تفكير عميلك ، مو على ذوقك …
الهدف مو عدد الزوار …. الهدف عميل جاد يوصل جاهز