في هذا المقال بنشرح بشكل مبسط عن ” ماهي صفحة الهبوط ” او كما تسمى Landing Page وليش هي شي مهم لأي صاحب نشاط تجاري عنده خدمة أو منتج ، خاصة اذا كنت تشتغل على إعلانات ممولة .
وش يعني صفحة هبوط ؟
صفحة الهبوط هي ببساطة ، الصفحة الي يهبط فيها الزائر بعد ما يضغط على إعلان معين أو رابط معين شافه وهو يتصفح المنصة سواء كانت الاإنستقرام او الفيس بوك او اي وسيلة أخرى .
تخيل إنك تتصفح إنستقرام ومر عليك اعلان عن منتج أو خدمة شدك الإعلان و ضغطت على الزر الموجود تحت الإعلان وانفتحت معك صفحة فيها شرح بسيط وواضح عن هذا المنتج أو الخدمة ، الصفحة هذي مو عشوائية ، فهي مصممة بعناية ، وكل جزء منها يقودك انك تكمل قراءة وتفهم أكثر وفي النهاية تلاقي زر واضح مثل ” احجز الآن ” أو اطلب المنتج ، أو أبدأ تجربتك
لو ضغطت عليه غالباً بتكون اقتنعت ليش ؟ لأنك مريت برحلة من أول ظهور الإعلان لك ، إلى الصفحة الي شجعتك تتخذ خطوة .
وهنا تقدر تلاحظ الفرق الكبير بين إنك ترسل الزبون الى الواتس آب مباشرة وبين انك ترسلة الى صفحة هبوط مرتبة توصل له الفكرة وتقنعه وتخليه يجي لك جاهز ، لكن لو أرسلته الى الواتس آب يمكن يتردد أو يسأل كثير أو ينسى لكن لو شاف صفحة شاملة تجاوب على كل تساؤلاته فهنا انت وفرت وقت على نفسك بدل ما كل شوي ترد على الاسالة بتكون انت أصلاً فلترته ويمكن هو يشوف ان انت مو الشخص المناسب للي يرغب فيه وطبعا هذا الشي مو سلبي بل ايجابي لان احنا في الاخير نبغى العملاء المثاليين الي تناسبهم خدماتنا
عشان كدا يجي دورنا في أستخدام صفحة الهبوط بطريقة ذكية بحيث نوجه رسالتنا التسويقية للأشخاص المناسبين لنا مو لكل الناس بحيث نستخدم الصفحة بطريقة تبني الثقة عنده ويحس انها مصممه خصيصاً له .
طيب وش الهدف من صفحة الهبوط ؟
الهدف الأساسي من الصفحة هو انط تقنع الزائر يسوي فعل محدد ، مثل : يحجز موعد أو يطلب استشارة أو يترك بياناته أو يحمل ملف مجاني أو حتى يشتري منتج ، يعني ماهي صفحة عامة فيها روابط كثيرة ، هي مصممة عشان تخلي الزائر يركّز بس على الخطوة الي بعدها لأنك تبي تطلعه من زحمة السوشيال ميديا وتسحبه لعندك
أقرأ هذا المقال : كيف تطلّع زبونك من الزحمة بتحصل فيه توضيح اكثر للنقطة
وش يميز صفحة الهبوط عن باقي صفحات الموقع ؟
ببساطة يميزها ” التركيز ” بمعنى انها تركز على هدف واحد ان الزائر يتخذ خطوة معينة وغالبا تكون مرتبطة بحملة اعلانية معينة
العميل يشوف إعلان ⬅ يدخل صفحة الهبوط ⬅ يسوي فعل معين (يحجز، يطلب، يشتري)
مافي تشتت ، مافي روابط كثيرة ، مافي خيارات كثيره
بس تركيز واضح على الفكرة والرسالة التسويقية الموجه له
طيب كيف نستخدمها بشكل فعّال ؟
صفحة الهبوط ماهي مجرد تصميم ، هي أداة تواصل ذكية
يعني ما تركز بس على الشكل الجمالي بل على الرسالة التسويقية الموجهه للعميل المثالي وهنا يجي دورك في فهم جمهورك
وش الشي الي يشد انتباههم ؟ وش الي يخوفهم ؟ وش الكلمات الي تحسّسهم أنك تفهمهم ؟ كل هذا نترجمه بشكل فعلي في الصفحة وخلينا نعطي مثال يقرّب المعنى :
لنفترض ان عندك عيادة طبية وتبي نسوق خدمة مثل ” زراعة الأسنان ”
. وش الي يشّد الزائر ؟
انه يشوف عبارة بسيطة بس توصل له الامل الي ينتظره
مثل : ” ترجع تبتسم بثقة خلال 3 ايام بس “
أو ” زرعة ثابتة كأنها سنّك الطبيعي ” ، وبدون ألم
. وش الي يخوفه ؟
أنه يتألم ، أو يدفع مبلغ مايقدر عليه ، أو يدخل في مشوار طويل
عشان كدا نخاطبه بجمل تطّمنه :
” بدون جراحة ، باستخدام تقنية حديثة “
و
” نوفَر خطة تقسيط تبدا من 199 ريال شهريا “
. وش الكلمات الي تحسسه انك تفهمه ؟
ما نتكلم معاه بأسلوب تقني ، نكلمه كأنسان
” مليت من الحلول المؤقتة ؟ خلنا نعطيك حل جذري “
أو
لو فقدت سنك من زمان ، بس متردد تتحرك … هذه فرصتك
كل هذه التفاصيل تُترجم داخل الصفحة :
من العنوان ، للزر ، للمحتوى الي يرافق الصورة ، وكل جزء في الصفحة يهمه شي واحد : يحسس الزائر انك فعلاً فهمت شعوره ، وقدمت له حل على قد مشكلته
هل الصفحة تنجح بدون إعلان ؟
غالباً .. لا
صفحة الهبوط تحتاج تدفق زوار عليها وهذا يجي من : إعلانات ممّولة ( غالبا ) ، أو روابط مباشرة من محتوى تسويقي ( نادراً )
يعني لما تسوي إعلان ممول مثلاً لا ترسله لرابط الموقع العام
اربط الإعلان بصفحة مهيأة ومصممة خصيصاً لهدفك
وهنا بيكون الفرق واضح .. والنتيجة أفضل بكثير .
طيب وش الفرق بين صفحة الهبوط والموقع بالكامل ؟
الموقع الكامل خلينا نشبهه مثل المجلد الكبير الي فيه كل شي مثل :
” صفحة من نحن ” ، الخدمات ، المقالات ، تواصل معنا ، وغيره من الصفحات …
لكن صفحة الهبوط تشبه ورقة وحدة ما فيها تشتيت ، فيها هدف واحد بس وكل شي فيها يخدم هذا الهدف
في النهاية.. صغحة الهبوط ما تنبني بشكل عشوائي ، ولا تتصمم عشان تكون موجودة وبس ، هي اداة ذكية تخليك توصل رسالتك الصح ، للشخص الصح ، بالطريقة الصح وكل ماكنت فاهم جمهورك ومضبط رسالتك التسويقية الي تخدم الهدف ، كل ما صارت صفحتك تشتغل وتجيب لك زبائن فعليين مو مجرد زيارات عابرة اهنيك لو وصلت الى هنا ولاني احب أفيدك اكثر .. أنصجك تقرأ ها المقال : ليش صفحة الهبوط ما تصلح تكون كاتلوج وكيف تختار خدمة وحدة تسوق نفسها